Cynllun Gweithredu Gwrth-hiliaeth Cyfiawnder Troseddol yng Nghymru - Panel Goruchwylio a Chynghori Annibynnol

Athro Cyswllt ym maes Moeseg a’r Gyfraith yn y Gyfadran Meddygaeth, Gwyddorau Bywyd ac Iechyd a Gofal Cymdeithasol ym Mhrifysgol Abertawe, sy’n darlithio’n helaeth ar gydraddoldeb ac amrywiaeth. Mae Chantal wedi bod yn aelod gweithgar o’r gymuned ers iddi symud i Gymru ym 1974. Mae wedi bod â sawl swydd gyhoeddus yn y GIG a’r sector Tai. Hi oedd un o aelodau sefydlu’r Ganolfan Gymunedol Affricanaidd ac ar hyn o bryd mae’n ymddiriedolwr Cymdeithas Indiaidd De-orllewin Cymru yn Abertawe.

Mae Bharat yn Academydd yn Adran y Gyfraith ym Mhrifysgol Caerdydd, lle mae’n darlithio ac yn ymchwilio i bynciau hiliaeth; hawliau dynol; cyfiawnder troseddol; a chamweinyddu cyfiawnder. Mae Bharat hefyd yn aelod o Fwrdd Monitro Annibynnol CEM Eastwood Park. Daw ei ddiddordeb mewn hil a chyfiawnder troseddol o’i amser yn gweithio ar achosion cosb marwolaeth yn Unol Daleithiau America ryw 20 mlynedd yn ôl, a sut mae achosion o anghyfiawnder hiliol tebyg yn digwydd yn ein system cyfiawnder troseddol ein hunain.

Myfyriwr sydd wedi graddio’n ddiweddar, yn fyfyriwr Gradd Meistr ar hyn o bryd ac yn academydd cyhoeddedig sy’n angerddol dros roi yn ôl i’r gymuned

Mae Amana yn cynnig ei phrofiad academaidd ynghyd â phrofiad ymarferol o fod yn gyn Gadét yr Heddlu, a chaiff ei mentora gan raglen Pŵer Cyfartal, Llais Cyfartal y Tîm Cymorth Ieuenctid a Lleiafrifoedd Ethnig.

Swyddog Recriwtio a Chymorth Cyngor y Gweithlu Addysg

Mae gan Aminur brofiad helaeth o ymgysylltu â chymunedau ethnig leiafrifol ar lefelau sylfaenol. Gyda chefndir yn y sector cyhoeddus, addysg uwch a’r sector gwirfoddol, mae wrthi’n gweithio fel swyddog recriwtio sy’n hyrwyddo gyrfaoedd mewn addysg, ac yn arwain ar ymdrechion i wneud y gweithlu addysg yng Nghymru yn un mwy amrywiol. Mae ei rolau blaenorol yn cynnwys eirioli ar ran unigolion a oedd yn wynebu gwahaniaethu gyda Chyngor Cydraddoldeb Rhanbarthol Bae Abertawe, yn ogystal â gwirfoddoli fel Caplan Carchar.

Gweithiwr Cymorth i Deuluoedd ac Ieuenctid Pobl Dduon a Lleiafrifoedd Ethnig yn y Tîm Lleiafrifoedd Ethnig ac Ieuenctid Cymru

Mae Hajer yn gweithio i roi cymorth wedi’i dargedu, sy’n sensitif yn ddiwylliannol, i deuluoedd a phobl ifanc ag anghenion ychwanegol. Ar hyn o bryd, mae Hajer yn cwblhau gradd mewn Cysylltiadau Rhyngwladol â diddordeb arbennig mewn cydraddoldeb hiliol ac mae hefyd yn aelod o Glymblaid Ffoaduriaid Cymru, sy’n cyfrannu profiad bywyd Pobl Dduon a Lleiafrifoedd Ethnig yng Ngogledd Cymru. Mae’n mwynhau cerddoriaeth fyw ac yn aelod o grŵp canu yn Wrecsam.

Teithiwr Gwyddelig sy’n ymgymryd â chymrodoriaeth PhD ar hyn o bryd, ac yn ymchwilydd ym Mhrifysgol Northumbria

Mae Martin yn actifydd ymroddedig ac wedi gweithio mewn llawer o sefydliadau, fel Heddlu Gogledd Cymru, Llywodraeth Cymru, a’r Senedd, i godi ymwybyddiaeth o’r anghydraddoldebau y mae cymunedau’r Sipsiwn, Roma a Theithwyr yn eu hwynebu.

Ynad mewn gwasanaeth

Mae Moawia yn cynnig cyfoeth o brofiad cyhoeddus uwch i’r Panel. Mae’n gyn aelod o Awdurdod Heddlu De Cymru ac yn Ymwelydd Annibynnol â Dalfeydd, yn ogystal ag Uwch-asesydd Dethol ar gyfer yr Asiantaeth Genedlaethol Gwella Plismona, gan wneud Moawia yn eiriolwr brwd dros newid ym maes plismona. Hefyd, mae gan Moawia rôl yng Ngholeg Gwent, Ambiwlans Sant Ioan, Tai Hafod, y Cenhedloedd Unedig, Llywodraeth Cymru, a Chwmnïau Lifrai Dinas Llundain.

Cadeirydd presennol Cyngor Hil Cymru

Mae Ray yn berson arloesol, deinamig, uchel ei gymhelliant a chanddo brofiad ac arbenigedd eang fel aelod bwrdd a
chadeirydd. Mae Ray wedi cadeirio ymchwiliadau ffurfiol gyda’r Gwasanaeth Carchardai yn ogystal â Gwasanaeth Erlyn y Goron Arweiniodd Ray hefyd bwyllgor cynghori a edrychodd ar yr effaith anghymesur a gafodd y pandemig ar boblogaeth Du ac Asiaidd Cymru.

Cyn-gadeirydd Rhwydwaith ym Mhrifysgol Bryste, Cyfarwyddwr Anweithredol Cartrefi Dinas Casnewydd ac Ymgynghorydd Cynhwysiant yn Advance HE

Mae gan Robiu gefndir helaeth yn y maes ymgysylltu â’r gymuned a gweithio gyda grwpiau gwahanol. Mae gan Robiu brofiad eang o ymgysylltu cymunedol a gweithio gyda gwahanol grwpiau. Mae’n Ymarferydd Addysg Uwch profiadol â dros ddegawd o brofiad ym maes ymgysylltu â’r gymuned a chynhwysiant. Mae’n rhoi arweiniad sefydliadol a chyngor arbenigol yn rheolaidd ar egwyddorion ac arferion cydraddoldeb, amrywiaeth a chynhwysiant, yn benodol materion sy’n effeithio ar hil ac ethnigrwydd yn y DU.