Gwyngalchu Arian a Throseddau Economaidd Eraill

Beth yw Gwyngalchu Arian a Throseddau Economaidd eraill?

“Mae gwyngalchu arian yn galluogi ac yn sail i’r rhan fwyaf o ffurfiau o droseddau trefnedig ac yn caniatáu i grwpiau troseddol weithredu ymhellach a chuddio eu hasedau. Er nad yw’r union ffigyrau ar gael, mae yna bosibilrwydd realistig fod graddfa gwyngalchu arian sy’n effeithio ar y DU yn flynyddol yn gannoedd biliwn o bunnoedd.” Yr Asiantaeth Troseddu Cenedlaethol

Gwyngalchu arian yw cyfnewid arian neu asedau a gafwyd yn droseddol, am arian neu asedau eraill sy’n ‘lân’.

Mae’r rhan fwyaf o gynlluniau gwyngalchu arian ar y pen uchaf yn cael eu hyrwyddo drwy gam-drin prosesau a gwasanaethau cyfreithlon. Fe all gweithwyr proffesiynol fel cyfrifwyr, gweithwyr cyfreithiol proffesiynol ac asiantwyr tai ddioddef camfanteisio troseddol neu fe allant fod yn ymwneud ag eraill mewn gweithgarwch anghyfreithlon, gallant fod yn esgeulus neu hyd yn oed gymryd rhan yn ddiarwybod. Gwyliwch y fideo hwn sy’n egluro sut y gall gweithwyr proffesiynol yr ymddiriedir ynddynt helpu i orfodi’r gyfraith drwy ddiwydrwydd dyladwy a chyflwyno Adroddiad Gweithgarwch Amheus.

Drwy adnabod ac arestio unigolion sy’n gwyngalchu arian, fe all asiantaethau gorfodi’r gyfraith darfu ar weithgarwch troseddol pellach a gwneud y DU yn amgylchedd anodd i’r rhai sy’n awyddus i wyngalchu cyllid troseddol.