Dychwelyd
Mae Rheoli Integredig Troseddwyr (RhIT) yn ddull cydlynol i reoli troseddwyr o fewn y system cyfiawnder troseddol i oedolion. Yn draddodiadol y nod oedd mynd i’r afael â throseddwyr parhaus a oedd yn cyflawni nifer o droseddau ond bellach wedi ymestyn yng Nghymru i grwpiau blaenoriaeth eraill sydd wedi’u cydnabod ar y cyd gan asiantaethau partner. Mae’n cydnabod bod anghenion cymhleth yr unigolion hyn yn fwy tebygol o gael eu cwrdd gan asiantaethau sy’n cydweithio ac yn gwneud y defnydd gorau o adnoddau lleol. Mae mwy o wybodaeth am hyn ar gael yma.
Yn 2020, cyhoeddodd y Swyddfa Gartref a’r Weinyddiaeth Gyfiawnder Strategaeth Rheoli Integredig Troseddwyr – Troseddau yn y Gymdogaeth newydd – sef dull unedig o oruchwylio troseddwyr yn y gymuned.
“[Mae’r dull newydd hwn] yn gwneud atal troseddau yn y gymdogaeth yn ganolog i’r RhIT er mwyn sicrhau bod camau gweithredu yn cael eu cymryd yn gynt, bod ymyraethau effeithiol ac yn y pendraw, cymunedau mwy diogel. Bydd yr Heddlu a’r Gwasanaeth Prawf yn cydweithio’n fwy agos i oruchwylio troseddwyr ac i sicrhau fod llai ohonyn nhw’n disgyn drwy’r rhwyd o fewn y system cyfiawnder; a chysylltiadau gwell i grwpiau cymunedol yn cael eu creu i fynd i’r afael â’r achosion sylfaenol o’u troseddu drwy eu cyfeirio at wasanaethau sydd ei angen arnyn nhw i newid eu ffyrdd.”
Gweledigaeth – Gweithio mewn partneriaeth i leihau’r nifer o ddioddefwyr drwy atal troseddu ac ail-droseddu.
Cenhadaeth – Lleihau trosedd ac ail-droseddu er mwyn diogelu cymunedau Cymru (Gweledigaeth a Datganiad Cenhadaeth RhIT Cymru).
Mae deddfwriaeth Cymru yn hysbysu cyfeiriad y dyfodol ar gyfer RhIT yng Nghymru drwy ein herio ni gyd i feddwl am lesiant cenedlaethau’r dyfodol. Mae’n rhaid i hyn gynnwys rheoli troseddwyr gan fod trosedd a chyfiawnder yn cael effaith uniongyrchol ac anuniongyrchol ar les unigolion sy’n byw yng Nghymru, p’un ai fel dioddefwr, cyflawnwr, aelod o’r teulu neu aelod o’r gymuned ehangach yn ogystal â chael effaith ar ystod eang o wasanaethau. Mae dull RhIT Cymru yn cyd-fynd â Egwyddorion Allweddol RhIT (2015) y Swyddfa Gartref ac yn tanategu ei wyth egwyddor:
Mae’r egwyddion hyn sy’n cael eu hyrwyddo trwy Strategaeth Rheoli Integredig Troseddwyr – Troseddau yn y Gymdogaeth a RhIT Cymru yn diweddaru eu prosesau a’u grwpiau pan fydd angen.
Mae deddfwriaeth berthnasol i’w gael o dan y System Cyfiawnder Oedolion.
Dylai’r holl rannu gwybodaeth o fewn RhIT gael ei wneud yn unol â deddfwriaeth diogelu data, yn cynnwys ond ddim yn gyfyngedig i, Ddeddf Diogelu Data 2018 a Deddf Trosedd ac Anhrefn 1998.
Mae’r Academi Cyfiawnder Cymdeithasol yn rhwydwaith i rannu gwybodaeth, sgiliau ac ymarfer gorau i hyrwyddo cyfiawnder cymdeithasol trwy wasanaethau cyhoeddus a chymdeithas sifil. Mae aelodaeth am ddim ac yn cynnwys seminarau ar-lein ac yn rhanbarthol, gweithdai, cyfresi dysgu a chynadleddau. Digwyddiadau Diweddaraf.
Canllawiau Ymarfer y Coleg Plismona – Rheoli troseddwyr.
Llywodraeth Cymru – Cefnogi’r rheiny mewn risg o ail-droseddu.
Llywodraeth y DU – Strategaeth Rheoli Integredig Troseddwyr.
Gwefan RhIT Cymru a Dolenni Defnyddiol RhIT Cymru.
Ymarfer Effeithiol RhIT: Partneriaeth ac Integreiddio – YouTube.
Fideos RhIT eraill ar Sianel YouTube HMIP.
Canllawiau Safonau Gwasanaeth Cyflawnwr VAWDASV.
Hefyd er gwybodaeth mae canllawiau ychwanegol ynglŷn â’r strategaeth RhIT diweddaraf ar fin cael eu cyhoeddi.
Mae gan Nacro Linell Gymorth ar gyfer Adsefydlu a Mwy sy’n cynnig gwybodaeth a chyngor i gyn-droseddwyr, caracharorion, eu teuluoedd a’u ffrindiau, ac i sefydliadau sy’n gweithio gyda nhw. Ffoniwch 0300 123 1999.
Mae gwefan Llinell Gymorth Genedlaethol i Deuluoedd Carcharorion ar gyfer Cymru a Lloegr yn cynnig cymorth i deuluoedd sydd ag anwylwyd yn y system cyfiawnder troseddol. Ffoniwch 0808 808 2003 ddydd Llun i ddydd Gwener 9am – 8pm, dydd Sadwrn i ddydd Sul 10am – 3pm.
Mae Ymddiriedolaeth St Giles yn rhedeg amryw o wasanaethau wedi’u dylunio i helpu cyn-droseddwyr gyda chyflogaeth, cymorth, hyfforddiant yn y gymuned, a thai/llety argyfwng. Ffoniwch 020 7708 8000.
Mae Unlock yn elusen annibynnol ar gyfer pobl gydag euogfarnau sydd yn delio gyda’r effeithiau o gael cofnod troseddol. Maen nhw’n rhoi cyngor a chymorth ynglŷn ag agweddau fel sut i ddatgelu i gyflogwyr, gwiriadau cofnodion troseddol, cael yswiriant a theithio dramor trwy eu llinell gymorth gyfrinachol. Ffoniwch 01634 247350.
Mae Fy Nghofnod Cymorth gan Gymorth i Ddioddefwyr yn adnodd ar-lein am ddim sy’n cynnwys canllawiau rhyngweithiol (yn cynnwys y daith i gyfiawnder) i’ch helpu i symud ymlaen ar ôl trosedd. Hefyd gweler Dioddefwyr a Thystion.
Mae YMCA yn gweithio mewn partneriaeth gyda charchardai a gwasanaethau prawf i gefnogi troseddwyr gyda dinasyddiaeth a chyfleoedd hyfforddiant ar ôl iddyn nhw gael eu rhyddhau o’r carchar. Ffoniwch 0207 186 9500.
Mae gwasanaethau cymorth hefyd yn cael eu darparu yng Nghymru gan Ymddiriedolaeth Nelson; Ymddiriedolaeth Cyngor a Gofal i Garchardai (Pact); Cymru Ddiogelach; St Giles Cymru a Cyswllt Carchar (Pobl).
