Troseddau Casineb

Beth yw Trosedd Casineb?

“Troseddau Casineb  “Mae trosedd casineb  yn weithred o drais, gelyniaeth neu frawychiad a anelwyd at rywun oherwydd eu hunaniaeth neu ‘wahaniaeth’ a ganfuwyd. Gall fod yn gysylltiedig â thrais neu ethnigrwydd, cyfeiriadedd rhywiol, anabledd, hunaniaeth trawsryweddol, rhyw neu oed (er nad yw’r ddau briodoledd diwethaf yn cael eu hadnabod yn swyddogol fel categorïau trosedd casineb yn gyson ar draws y DU). Gall hefyd fod yn gysylltiedig â mwy nag un o’r nodweddion hyn.” Senedd Cymru

Mae’r gyfraith yn nodi pum sail i drosedd casineb:

• Hil
• Crefydd
• Anabledd
• Tueddfryd Rhywiol
• Hunaniaeth trawsryweddol

Mae misogyny yn drosedd casineb fydd yn cael ei dreialu o’r Hydref 2021, ond ni fydd yn ddeddfwriaeth nes bydd adolygiad Comisiwn y Gyfraith wedi’i gwblhau.

Mae unrhyw drosedd yn gallu bod yn drosedd casineb os yw’r troseddwr naill ai wedi dangos gelyniaeth neu wedi’i gymell gan elyniaeth yn seiliedig ar un o’r pum sail trosedd casineb y soniwyd amdanynt yn flaenorol. Mae unigolyn yn gallu dioddef mwy nag un math o drosedd casineb.

Mae digwyddiad casineb yn gallu cynnwys cam-drin geiriol, bygythiad o drais, bwlio, brawychiad (gweler Ymddygiad Gwrthgymdeithasol ac Anhrefn), aflonyddu neu gam-drin ar-lein (gweler aflonyddu Trosedd Seiber/Ar-lein). Mae trosedd casineb yn drosedd casineb unwaith mae trosedd wedi’i gyflawni, sy’n gallu cynnwys trosedd difrifol, trais rhywiol, aflonyddu, dwyn, difrod troseddol, post casineb a thwyll.