Caethwasiaeth Fodern a Chamfanteisio - Wales Safer Communities

Neidio i'r prif gynnwys

Hafan » Caethwasiaeth Fodern a Chamfanteisio

Beth yw Caethwasiaeth Fodern a Chamfanteisio ?

Mae’r Swyddfa Gartref wedi disgrifio caethwasiaeth fodern fel “trosedd ddifrifol a chreulon lle bydd pobl yn cael eu trin fel nwyddau a chamfanteisir arnynt er mwyn elwa’n droseddol”. Nid oes unrhyw un yn gwybod gwir raddfa caethwasiaeth fodern yn y DU, ac yn wir yn fyd-eang.

Mae Caethwasiaeth Fodern a Chamfanteisio yn cynnwys:

Caethwasiaeth fodern yw camfanteisio ar bobl yn anghyfreithlon er budd personol neu fasnachol. Mae’n ymdrin ag ystod eang o gamdriniaeth a chamfanteisio gan gynnwys camfanteisio’n rhywiol, caethwasanaeth domestig, llafur dan orfod, camfanteisio troseddol a chynaeafu organau.

Gall dioddefwyr caethwasiaeth fodern fod o unrhyw oedran, rhyw, cenedligrwydd neu ethnigrwydd. Maent yn cael eu twyllo neu eu bygwth i weithio ac efallai nad ydynt yn teimlo y gallant adael y gwaith nac adrodd am y drosedd oherwydd ofn neu fygythiad. Efallai nad ydynt yn sylweddoli eu bod yn ddioddefwyr eu hunain.

Dyma’r Deddfau sy’n ymwneud â Chaethwasiaeth Fodern a Chamfanteisio. Yn ogystal â’r rhain, ceir y Confensiwn ar Hawliau Dynol a Chonfensiynau eraill a Datganiad Istanbul.

Deddf Caethwasiaeth Fodern 2015
Deddf Gwasanaethau Cymdeithasol a Llesiant (Cymru) 2014
Deddf Amddiffyn Plant 1978
Deddf Plant 1998 a 2004
Deddf Troseddau Difrifol 2015
Deddf Troseddwyr Rhyw 1997
Deddf Troseddau Rhyw 2003
Rheoliadau Masnachu mewn Pobl at ddibenion Camfanteisio 2013
Deddf Meinweoedd Dynol 2004
Deddf Meddyginiaeth a Dyfeisiau Meddygol 2021
Deddf Atal Troseddau 1953
Deddf Diogelu Grwpiau Hyglwyf 2006
Deddf Lloches a Mewnfudo (Trin Hawlwyr ayb) 2004
Deddf Ffiniau, Dinasyddiaeth a Mewnfudo 2009
Deddf Diogelu Rhyddid 2012
Deddf Cyllid Troseddol 2017
Deddf Cyfiawnder Troseddol 1998
Deddf Trosedd ac Anhrefn 1998
Deddf Ymddygiad Gwrthgymdeithasol, Troseddu a Phlismona 2014
Deddf Arfau Tanio 1968
Deddf Troseddau yn erbyn y Person 1861
Deddf Plismona a Throseddau 2009
Deddf Crwneriaid a Chyfiawnder 2009
Deddf Galluedd Meddyliol 2005
Deddf Camddefnyddio Cyffuriau 1971
Deddf yr Economi Ddigidol 2017

Dyma’r hyfforddiant cyffredinol a’r ffyrdd i godi ymwybyddiaeth am Gaethwasiaeth Fodern a Chamfanteisio, gellir gweld hyfforddiant penodol o fewn pob is-destun.

Llywodraeth Cymru: Canllawiau am gaethwasiaeth fodern i weithwyr proffesiynol

Gofal Cymdeithasol Cymru : Hyfforddiant ar Ymwybyddiaeth o Ddiogelu

Cwrs Cyflwyniad i Ymwybyddiaeth Atal Caethwasiaeth; Cwrs Ymatebwr Cyntaf Atal Caethwasiaeth; ac i’r rhai sy’n gweithio i’r Heddlu neu i Wasanaeth Erlyn y Goron Caethwasiaeth Fodern a Throseddau Cyfundrefnol

Swyddfa Gartref: Tudalen adnoddau hyfforddi am Gaethwasiaeth Fodern

Swyddfa Gartref (YouTube): Mae Caethwasiaeth Fodern yn agosach atom na’r disgwyl

Dolenni Defnyddiol

Gweithdrefnau Diogelu Cymru

Mae Barnado's yn gweithio gyda phlant a theuluoedd i gynnig cefnogaeth gynnar er mwyn ceisio atal Camfanteisio ar Blant (gan gynnwys yn rhywiol) ac efallai y gallant gefnogi plant os bydd camfanteisio’n digwydd ar oedolyn yn y tŷ

Elusen Unseen sy’n gweithio i gael gwared â chaethwasiaeth fodern, a chynnal tai diogel a’r llinell gymorth ar gyfer caethwasiaeth fodern

BAWSO

Ukrainians Welcome - "siop un stop" o wefannau defnyddiol, llinellau cymorth, a gwybodaeth arall ar gyfer ffoaduriaid o Wcráin yn y DU, gyda'r nod o'u cadw'n ddiogel rhag masnachu mewn pobl a'u helpu i addasu i'w cartref newydd.

Cymorth a Chefnogaeth

Ar gyfer dioddefwyr, teuluoedd a phobl bryderus

Mae gan bob is-destun wybodaeth benodol am gymorth a chefnogaeth. Mae’r materion canlynol yn berthnasol i bob math o Gaethwasiaeth Fodern.

Os byddwch chi’n gweld unrhyw un o’r arwyddion ac yn amau bod rhywun yn ddioddefwr caethwasiaeth fodern, dywedwch wrth rywun. I roi gwybod am unrhyw amheuaeth neu i ofyn am gyngor, cysylltwch â Llinell Gymorth Caethwasiaeth Fodern 24/7 ar 08000 121 700. Gellir hefyd rhoi gwybod amdano ar-lein neu drwy ffonio 101 ar unrhyw adeg, neu i bobl fyddar neu rai sy’n drwm eu clyw, defnyddiwch y gwasanaeth ffôn testun ar 18001 101. I aros yn ddienw cysylltwch â Crimestoppers ar 0800 555 111. Os oes trosedd wrthi’n cael ei chyflawni neu os oes bywyd mewn perygl, ffoniwch 999.

Cynigir cefnogaeth hefyd drwy’r trefniadau Diogelu Oedolion sydd ym mhob Awdurdod Lleol ar draws Cymru, rhoddir eu manylion yn ein Cyfeirlyfr.

Slavery Free UK Canolbwynt Caethwasiaeth Fodern. Mae’r Canolbwynt i Godi Ymwybyddiaeth am Gaethwasiaeth Fodern yn y DU yn rhoi llawer o wybodaeth a dolenni i elusennau sy’n cynnig cefnogaeth.