Cam-drin Plant

Beth yw Cam-drin Plant?

Cam-drin Plant yw un o’r dair elfen o dan ddiogelu. Fodd bynnag caiff Oedolyn mewn Perygl a Cham-drin Pobl Hŷn ei reoli ar y cyd o dan ddeddfwriaeth a Gweithdrefnau Diogelu Cymru.

“Cam-drin plant yw pan gaiff plentyn ei niweidio’n fwriadol gan oedolyn neu gan blentyn arall – fe all fod dros gyfnod o amser ond gall hefyd fod yn weithred untro. Gall fod yn gorfforol, rhywiol neu emosiynol a gall ddigwydd wyneb yn wyneb neu ar-lein. Gall hefyd fod yn ddiffyg cariad, gofal a sylw – esgeulustod yw hyn.” NSPCC

Mae’r NSPCC yn nodi 13 math o gamdriniaeth o ran plant (i gael manylion penodol ar bob un gan yr NSPCC ewch i’w gwefan):

• Bwlio a seiberfwlio
• Cam-fanteisio’n rhywiol ar blant
• Masnachu mewn plant (gweler masnachu mewn pobl)
• Camfanteisio troseddol a gangiau
• Cam-drin domestig
• Cam-drin emosiynol (cam-drin seicolegol)
• Anffurfio Organau Rhyw Benywaidd
• Meithrin perthynas amhriodol (gweler Caethwasiaeth Fodern a Chamfanteisio)
• Esgeulustod
• Cam-drin ar-lein
• Cam-drin corfforol
• Cam-drin rhywiol
• Camdriniaeth nad yw’n ddiweddar (a elwir yn aml yn gam-drin plant hanesyddol).

“Cam-drin plant yw pan fo unrhyw un o dan 18 oed un ai yn cael ei niweidio neu lle na ofalir amdano ef/hi yn iawn. Mae yna bedwar prif gategori o gam-drin plant: cam-drin corfforol, cam-drin emosiynol, cam-drin rhywiol ac esgeulustod.”  Yr Heddlu Metropolitanaidd

Gall y gamdriniaeth ddigwydd mewn unrhyw leoliad, boed mewn annedd breifat, sefydliad neu unrhyw le arall. Os yw’r dioddefwr dros 18 oed, mae’n gorwedd o dan y categori oedolyn mewn perygl o ran camdriniaeth.