Troseddau Mewnfudo Trefnedig

Beth yw Troseddau Mewnfudo Trefnedig?

Mae troseddau mewnfudo trefnedig yn ymwneud â symud unigolyn ar draws ffiniau heb ganiatâd neu ddogfennaeth gyfreithiol gyda chymorth grŵp o droseddwyr trefnedig. Cyfeirir at hyn yn aml fel ‘smyglo pobl’. Gall hefyd ymwneud ag unigolion sy’n aros yn anghyfreithlon mewn gwlad.

Gall arwyddion i gadw golwg amdanynt gynnwys:

• Gweithgarwch mewn lleoliadau arfordirol anghysbell, neu ar amseroedd anarferol o’r dydd, gan gynnwys ymdrechion i dywys cychod o’r lan i ardaloedd anarferol neu’r criw yn dangos arwyddion o nerfusrwydd.
• Patrymau rhyfedd o daliadau yn cael eu gwneud, fel derbyn taliadau ariannol rheolaidd o sawl ffynhonnell drwy gyfrifon banc.
• Dogfennau adnabod ffug.

(Addaswyd o’r Asesiad Strategol Cenedlaethol o Drosedd Difrifol a Threfnedig 2021  yr Asiantaeth Troseddu Cenedlaethol).

Dulliau cyfrinachol cyffredin i fewnfudwyr ddod i mewn i’r DU yw drwy gael eu cludo ar y rheilffordd neu fferi, mewn cynwysyddion llongau masnachol neu mewn cychod bach.  Beth bynnag fo’u dull o ddod i mewn i’r DU fodd bynnag, heb ganiatâd i weithio’n gyfreithlon, gall mewnfudwyr ddioddef camfanteisio a gallant gael eu gorfodi i gaethwasiaeth fodern neu droi at drosedd i gefnogi eu hunain. Gallwch ddarllen mwy yma.