Diogelwch Tân, a Chynnau Tân yn Fwriadol

Beth yw Diogelwch Tân?

Mae Gwasanaethau Tân ac Achub yn chwarae’r rôl allweddol galluogrwydd tân ac achub. Mae’r gwasanaethau wedi symud ymlaen o beth oedd yn wasanaeth ymladd tân yn bennaf i fod yn sefydliad rhagweithiol ymroddedig i atal tanau, marwolaethau ac anafiadau rhag tanau ac argyfyngau fel damweiniau ffordd, digwyddiadau cemegion a llifogydd. Mae’r ddau nod hwn o atal ac ymyrraeth wedi canolbwyntio ar gydlynu addysg diogelwch tân a gweithio gyda phartneriaid lleol, fel Partneriaethau Diogelwch Cymunedol, yn arbennig o amgylch Tanau Bwriadol a Chynnau Tanau yn Fwriadol, felly yn cyfrannu’n sylweddol at yr agenda diogelwch cymunedol yng Nghymru.

Yng Nghymru, mae yna dri gwasanaeth Tân ac Achub: Gwasanaeth Tân ac Achub Canolbarth a Gorllewin Cymru ; Gwasanaeth Tân ac Achub De Cymru  a Gwasanaeth Tân ac Achub Gogledd Cymru

Beth yw Tanau Bwriadol?

Tanau Bwriadol yw pan mae rhywun yn cynnau tân yn eiddo rhywun arall i’w ddifrodi neu i anafu pobl. Y gosb uchaf i unrhyw un a ganfyddir yn euog o danau bwriadol yw carchar am oes oherwydd y perygl eithriadol, bygythiad i fywyd a difrod i eiddo.

Rydym wedi gweld bod tanau bwriadol nid yn unig yn dinistrio cartrefi a bywydau ond mae’n gallu difrodi’r amgylchedd o’n cwmpas. Mae lleihau tanau bwriadol yn helpu i ddiogelu ansawdd a hyfywedd y mannau ble rydym yn byw, gweithio, dysgu ac yn treulio ein hamser hamdden. Rydym angen gweithio gyda gwirfoddolwyr, cymunedau a grwpiau ar draws Cymru i’w helpu i leihau achosion ac effaith tanau bwriadol o fewn ein cymunedau. Rydym eisiau diogelu ein cymunedau rhag ymddygiad gwrthgymdeithasol sy’n gysylltiedig â chynnau tân, fel tipio anghyfreithlon, llosgi gwastraff a fandaliaeth mewn ysgolion a cholegau.  Rydym eisiau newid diwylliant ar draws Cymru fel bod cymunedau yn gweld tanau bwriadol yn annerbyniol yn gymdeithasol ac yn weithredol o ran cydnerthu cymunedol. Strategaeth Lleihau Tanau Bwriadol Cymru